Almaniya “Patriot” zenit-raket kompleksinin (SAM) üçüncü partiyasını Ukraynaya göndəribbackend

Almaniya “Patriot” zenit-raket kompleksinin (SAM) üçüncü partiyasını Ukraynaya göndərib

  • whatsapp
  • messenger
  • telegram
  • vkontakte
  • odnoklassniki

“Patriot” zenit-raket kompleksinin (SAM) üçüncü partiyası Almaniyadan Ukraynaya gəlib.

Editor.az bildirir ki, bunu Almaniyanın Kiyevdəki səfiri Martin Yager deyib. Bundan əvvəl Ukrayna prezidenti Vladimir Zelenski bildirib ki, ölkəyə ən azı daha yeddi belə kompleks lazımdır. Almaniya kansleri Olaf Şolz daha əvvəl Ukraynaya yeni hava hücumundan müdafiə sisteminin təhvil verildiyini açıqlamışdı.

Sonra o, müttəfiqlərini Ukraynaya kömək etməyə və hava hücumundan müdafiəni gücləndirməyə çağırıb. Bundan əlavə, Ukrayna hərbçiləri Almaniyadan IRIS-T hava hücumundan müdafiə sistemləri, “Gepard” zenit özüyeriyən silahları, döyüş sursatları və artilleriya mərmiləri almalıdırlar.

May ayında Vladimir Zelenski bildirmişdi ki, Ukrayna cəbhə xəttini saxlamaq üçün lazım olan hava hücumundan müdafiə sistemlərinin yalnız dörddə birinə malikdir. İyunun əvvəlində o, Ukraynanın Qərb ölkələri ilə əlavə hava hücumundan müdafiə sistemlərinin tədarükü ilə bağlı razılığa gəldiyini deyib.
“Financial Times” iyunun sonunda yazıb ki, Birləşmiş Ştatlar “Patriot” hava hücumundan müdafiə sistemləri və alınan raketlər üçün bütün açıq sifarişləri dayandırmağı planlaşdırır. Nəşrin həmsöhbətləri bu qərarın Ukraynanı hava hücumundan müdafiə sistemləri ilə təmin etmək üçün verildiyini iddia edirlər.

//Samir Qurbanov, Editor.az