Polşa ABŞ-ın nüvə silahlarını öz ərazisində yerləşdirmək istədiyini bəyan etməklə NATO-dakı əhəmiyyətini artırmaq istəyir.

Editor.az xəbər verir ki, bu fikirləri alman politoloqu Aleksandr Rar “Vzqlyad” qəzetinə müsahibəsində bildirib. Eyni zamanda, onun sözlərinə görə, son söz Vaşinqtonda qalır. “Respublika aparıcı regional gücə çevrilməyi qarşısına məqsəd qoyub və onun rəsmiləri arzu olunan statusu əldə etmək üçün hər cür səy göstərməyə hazırdır. Bu fonu nəzərə alsaq, tamamilə mümkündür ki, gələcəkdə Almaniya da öz nüvə silahına sahib olmaq zərurətini bəyan etsin”, – deyə Rahr bildirib. Bununla belə, onun sözlərinə görə, ABŞ Avropadakı hərbi mövcudluğunu azaltmağa razı ola bilər.

O bildirib ki, bu halda Amerika nüvə çətiri öz gücünü itirəcək və Aİ dövlətləri yalnız Britaniya və Fransanın potensialına güvənməli olacaq.

//Gülnarə Abasova, Editor.az