Almaniyada güclü qar yağması dəmir yolu nəqliyyatının işini iflic edib.

Editor.az Trend-ə istinadən bildirir ki, bu barədə “Deutsche Bahn” nəqliyyat konserninin bəyanatında deyilir.

Hazırda ölkənin Hollandiya ilə dəmir yolu əlaqəsi müvəqqəti dayandırılıb.

“Almaniya ilə Hollandiya arasında şəhərlərarası dəmir yolu əlaqə dayandırılıb. Frankfurt-am-Mayn – Amsterdam və Berlin – Amsterdam marşrutu üzrə qatarlar xidmət göstərmir”, – məlumatda deyilir.

Bildirilir ki, qaryağma güclü küləklə müşayiət olunur (saatda 80 km). Bir çox avtomobil trassları bağlanıb. Yalnız Şimali Reyn-Vestfaliyada şənbə axşam və ötən gecə ərzində 200-dən çox yol qəzası qeydə alınıb.