Mayın 24-də gün ərzində Donetsk vilayətinin Baxmut şəhərətrafı qəsəbəsində cinahlarda döyüşlərin intensivliyində azalma müşahidə olunur.
Editor.az bildirir ki, bu barədə Ukrayna müdafiə nazirinin müavini Anna Malyar Telegram-da məlumat verib. “Amma bu o demək deyil ki, düşmən zəifləyir. Əksinə, düşmən cinahlarda möhkəmlənməyə çalışır və artilleriya atəşinə arxalanır, davamlı atəşə tutur. Bununla belə, qoşunlarımız [cinahlarda) tədricən irəliləməyə nail olur”, – Malyar yazıb.
Onun sözlərinə görə, Baxmutun özündə düşmənin hücumlarının sayı da azalıb, işğalçılar bölmələri rotasiya edirlər. “Müdafiəçilərimiz şəhərin cənub-qərb hissəsindəki “Samolet” rayonunun bir hissəsinə nəzarət edirlər”, – deyə Ukrayna müdafiə nazirinin müavini yekunlaşdırıb.
//Samir Qurbanov,Editor.az