ABŞ-ın Respublikaçılar İnstitutu Ermənistanda sorğu keçirib. Sorğunun nəticələrinə görə ermənilərin yarısına qədəri Türkiyə ilə əlaqələrin qurulmasından ehtiyat edir. Sorğu iştirkaçılarına görə, Ankaranın “erməni soyqrımını” tanıması və Qarabağ məsələsində neytral mövqedən çıxış etməsi halında Ermənistanın Türkiyə ilə münasibətlər qurması mümkün ola bilər. Qeyd edək ki, soğruya qatılan ermənilərin 77 faizi Azərbaycanı Ermənistan üçün təhlükə sayıb.

Sorğunun nəticələrini təhlil edən politoloq Elxan Şahinoğlu bildirir ki, ermənilər müharibədə məğlub olublar, gələcəkləri şübhə altındadır, yenə də qonşularıyla “şərtlərin diliylə” danışmağa cəhd edirlər. 

“Maraqlıdır, Ankara – İrəvan dialoq başlasa da, sorğuya qatılanların 90 faizi Ermənistan üçün nə böyük təhlükənin Türkiyənin olduğunu bildiriblər. Soğruya qatılan ermənilərin 77 faizi Azərbaycanı Ermənistan üçün təhlükə sayıb. Ermənistan müharibədə Azərbaycana məğlub olub, iki ölkə arasında gərginlik davam edir, ancaq ermənilərin əksəriyyəti Türkiyəni Ermənistan üçün Azərbaycandan daha təhlükəli hesab edirlər. Buna baxmayaraq, təhlükəli adlandırdıqları ölkə ilə sərhədləri açmaq, diplomatik münasibətlər qurmaq və alış-verişə başlamaq istəyirlər. Bu da başqa nonsensdir”,-ekspert qeyd edib.

Politoloqun sözlərinə görə, sorğunun Qarabağla bağlı da hissəsinə aid cavablar göstərir ki, ermənilər hələ də xülya ilə yaşayırlar. E.Şahinoğlu sorğunun daha bir neçə nəticəsinə toxunur: ““Qarabağ problemi necə həll olunmalıdır” sualna verilən cavablar içərisində iki variant diqqəti cəlb edib: “Ermənistana birləşdirilməlidir – 16 faiz”, “Rusiyaya birləşdirilməlidir – 11 faiz”. “Ermənistana birləşdirilməlidir” bağlı sayıqlama köhnədən var. Ancaq “Rusiyaya birləşdirilmə” mövzusu yenidir. İkinci Qarabağ müharibəsindən əvvəl ermənilərin heç biri “Qarabağın Rusiyaya birləşdirilməsi” haqqında danışmazdı. Arxayın idilər ki, işğal ömürlükdür. İndi isə ermənilərin bir qismi baş nazirləri Nikol Paşinyan kimi anlayıblar ki, Qarabağ artıq onlarlıq deyil, məsələni “Rusiyaya yükləmək” lazımdır”.

Ekspert əlavə edir ki, Kreml Rusiya ətrafındakı bütün separatçıları özününkü sayır. Onun sözlərinə görə, Rusiya hərbçilərinin Qarabağda varlıqları cəmi bir ildən bir az artıq müddəti əhatə etsə də, onların iştirakı ilə onlarla təxribat faktını qeydə almışıq və bunun sonu görünmür:”Elə bu günlərdə separatçıların lideri Araik Arutunyanı yenidən Moskvaya çağırıblar. Belə olan halda “11 faizin” haradan yarandığı aydın olur”.

Azpolitika