Argentina hökuməti Londonun Çaqos arxipelaqını Mavrikiyə təhvil verməsindən sonra Böyük Britaniyanı Folklend adalarının mülkiyyətinə dair danışıqları bərpa etməyə çağırıb.

Bu barədə Argentina Xarici İşlər Nazirliyinin bəyanatında deyilir. Argentina agentliyinin məlumatına görə, “Böyük Britaniya ilə Mavrikiy arasındakı razılaşma bu cür mübahisələrin sülh yolu ilə həll oluna biləcəyini göstərən nümunədir”. “Bu, müstəmləkəsizləşdirmə prosesində tarixi əhəmiyyət kəsb edən hadisədir”, – agentliyin bəyanatında deyilir.

Mayın 22-də Böyük Britaniyanın baş naziri Keir Starmer Mavriki ilə Hind okeanının mərkəzində yerləşən Çaqos arxipelaqının onun suverenliyinə verilməsi haqqında saziş imzaladığını elan edib. Sənəd Dieqo Qarsiya adasında Britaniya-Amerika hərbi bazasının saxlanmasını nəzərdə tutur.
Atlantik okeanının cənub-qərbində yerləşən Folklend adaları (Malvin adaları) 200 ildir ki, Argentina və Böyük Britaniya arasında ərazi mübahisəsinin predmeti olub. 1982-ci ilin aprelində onlar arasında silahlı qarşıdurma baş verdi və Argentina məğlub oldu. 2013-cü ilin martında keçirilən referendumda ada sakinlərinin əksəriyyəti Britaniyanın idarə etdiyi ərazi olaraq qalmağa səs verib. Argentina bu səsvermənin nəticələrini tanımayıb.

//Samir Qurbanov, Editor.az