İtaliyanın “Yuventus” klubuna məxsus Aron Ramseyin yeni klubu məlum olub.

Editor.az “sporx” a istinadən xəbər verir ki, ulesli futbolçu Fransa Liqa 1-də mübarizə aparan “Nice” klubuna transfer olunub. Klubdan verilən açıqlamaya görə Fransa təmsilçisi onun transferi üçün heç bir məbləğ ödəməyib. 31 yaşlı futbolçu “Qoca sinyora” ilə isə müqaviləyə qarşılıqlı razılıq əsasında xitam verib.

Qeyd edək ki, Ramsey son mövsümdə Şotlandiyanın ən nüfuzlu klubu olan “Qlazqo Reyncers”də icarə əsasında oynayırdı. Tez-tez zədələnmələri ilə gündəmə gələn futbolçu keçən mövsüm 13 oyunda iki dəfə rəqibləri cəzalandıra bilib. Bundan əlavə o, Uels milli komandasının heyətində 74 oyunda 20 qola imza ata bilib.

//Nəzərbəy Hacıağayev, Editor.az