Avropa İttifaqı müharibə vəziyyətində deyil – Josep Borrellbackend

Avropa İttifaqı müharibə vəziyyətində deyil – Josep Borrell

  • whatsapp
  • messenger
  • telegram
  • vkontakte
  • odnoklassniki

Avropa İttifaqının müharibə vəziyyətində deyil və savaşa hazırlaşmır.

Editor.az bildirir ki, bunu Avropa İttifaqının Xarici İşlər və Təhlükəsizlik Siyasəti üzrə Ali Nümayəndəsi Josep Borrell “La Sexta” televiziyasına müsahibəsində deyib: “Şərqi Avropada münaqişə davam edir və bu, sona çatmaq üzrə deyil. Avropalılar anlamalıdırlar ki, aramızda yaradılmış sülh istisnadır”, – Borrell bildirib.

Avropalı diplomat onu əhatə edən dünyanı qəddar adlandırıb və qeyd edib ki, Aİ müharibə vəziyyətində və döyüşmək niyyətində deyil. Bununla belə, Avropa İttifaqı müdafiə qabiliyyətini artırmaq barədə düşünməlidir, – deyə o əlavə edib. Borellin sözlərinə görə, Aİ müharibə vəziyyətində olsaydı, o zaman üçüncü dünya müharibəsindən danışmış olarıq. Eyni zamanda rəsmi aydınlaşdırıb ki, son bir il ərzində Aİ ölkələri Ukrayna Silahlı Qüvvələrinin 40 mindən çox əsgərinə təlim keçib.

Martın 26-da Josep Borrell CNN telekanalında deyib ki, Qərb Rusiyanın qalib gəlməsinə imkan verə bilməz. O vurğulayıb ki, bu, alicənablıq məsələsi deyil, Ukrayna xalqına məhəbbətlə Ukraynanı dəstəkləmək məsələsi deyil. Borrell qeyd edib ki, bu, Aİ-nin, eləcə də ABŞ-ın maraqlarına uyğundur.

//Samir Qurbanov, Editor.az