Avropa İttifaqının Ermənistandakı missiyası Ermənistan-Azərbaycan danışıqlar prosesinin iştirakçıları arasında müsbət münasibətlər doğurmur.

Editor.az bildirir ki, belə bir bəyanatla Rusiya liderinin köməkçisi Yuri Uşakov çıxış edib. İrəvanla Bakı arasında sülh müqaviləsi üzrə işlərin gedişi ilə bağlı vəziyyəti şərh edərkən, o, diqqəti Qərb dövlətlərinin prosesə müdaxilə etmək və müvafiq olaraq, regionun işlərinə “müdaxilə etmək” cəhdlərinə cəlb edib. Uşakovun sözlərinə görə, Qərbin bu addımları Ermənistanla Azərbaycan arasında danışıqlarda iştirak edən hər kəs tərəfindən bəyənilmir.

“Aİ-nin Ermənistandakı missiyasının fəaliyyəti də müsbət qarşılanmır”, – Uşakov bildirib. Prezidentin köməkçisi həmçinin EUMA missiyasının həcminin artdığını qeyd edib və bu tendensiyadan təəssüfləndiyini bildirib. O, aydınlaşdırıb ki, bu yayın əvvəlində missiyada 138 nəfər olub. Hazırda onun sayı 210-a çatıb. Uşakov qeyd edib ki, gələcəkdə bu rəqəmin 600 nəfərə çatacağı gözlənilir. “Əlbəttə, onların orada nə etdiklərini aydın təsəvvür edə bilərsiniz”, – Rusiya prezidentinin köməkçisi bildirib.

//Samir Qurbanov, Editor.az