Bu gün Avropa Parlamenti Gürcüstanla bağlı yeni qətnamə qəbul edib.

Orada Avropa Parlamenti deputatları Brüsseli ölkədəki “demokratiyanın sarsıdılması” ilə əlaqədar Tbilisiyə qarşı bir sıra tədbirlər görməyə çağırıb.

Müvafiq bəyanatı AP-nin mətbuat xidməti qətnamə üzrə səsvermənin nəticələrinə görə yayıb. Qətnamədə o da qeyd olunur ki, Gürcüstanda demokratiyanın hazırkı vəziyyəti ona Avropaya inteqrasiyanı davam etdirməyə imkan vermir. Son aylarda ölkədə qəbul edilən qanunlar, o cümlədən xarici agentlər haqqında qanun avropalı deputatlar tərəfindən avtoritar adlandırılıb. Sənəddə iddia olunur ki, onlar qüvvədə qaldıqca Gürcüstan Aİ-yə daxil olmaq yolunda irəli gedə bilməyəcək.

Avropa Parlamentinin deputatları bir sıra tədbirlər təklif ediblər ki, onların fikrincə, bu vəziyyətdə məqsədəuyğun olardı. Belə ki, onlar bu qanunlar ləğv edilənədək Aİ-nin Gürcüstana ayırdığı maliyyənin dondurulmasını effektiv addım hesab ediblər. “Qətnamə Aİ və onun üzv dövlətlərini Gürcüstanda demokratiyanın sarsıdılmasında günahkar olanların hamısına, o cümlədən (hakim “Gürcü Arzusu”nun yaradıcısı – red.) Bidzina İvanişviliyə qarşı məsuliyyətə cəlb etməyə və şəxsi sanksiyalar tətbiq etməyə çağırıb”, – AP-nin mətbuat xidmətindən bildiriblər.

//Samir Qurbanov, Editor.az