Avro Bölgəsində İstehlak Qiymətləri İndeksi (CPI) mart ayında aylıq 0,9 faiz, illik 6,9 faiz artıb.

Editor.az bu barədə Avropa Statistika İdarəsi (Eurostat) Avro Bölgəsi üzrə mart ayı üzrə aparıcı inflyasiya məlumatlarına istinadən xəbər verir.

Gözləntilərə əsasən mart ayında avrozonada illik inflyasiya 7,1 faiz olmalı idi. Avro Bölgəsində TÜFE mart ayında bir əvvəlki ayla müqayisədə yüzdə 0,9 artıb. İnflyasiyanın əsas komponentlərinə nəzər saldıqda, ən yüksək illik inflyasiya 15,4 faizlə qida, spirt və tütün məmulatlarında olub. Ərzaqdan sonra 6,6 faizlə qeyri-enerji sənaye məhsulları, 5 faizlə xidmətlər gəlirsə, enerji məhsulları 0,9 faiz azalıb.

Aİ-yə uyğun məlumatlara görə, mart ayında inflyasiya Latviyada 17,3 faiz, Estoniyada 15,6 faiz, Litvada 15,2 faiz, Slovakiyada 14,8 faiz, Xorvatiyada 10,5 faiz, Sloveniyada 10,4 faiz, İtaliyada 9,2 faiz təşkil edib.

//Gülnarə Abasova, Editor.az