Avstriya iqtisadiyyatının üçüncü rübdə davam edən daralma proqnozu tənəzzüllə bağlı narahatlıqları artıracaq.

Editor.az bu barədə UniCredit Bank Austria-nın son məlumatlarına istinadən xəbər verir. Sentyabr ayında açıqlanan hesabata görə, bankın izlədiyi iqtisadi göstərici -4 bəndədək azalıb. Bu pandemiya zamanı ilk karantin rejimindən bəri ən aşağı səviyyədir.

Bank Austria istehsal sektorunun zəifləməsinin xidmət sektoruna da təsir etdiyini bildirib. Bank inflyasiya təzyiqlərinin azalmağa davam edəcəyini və 2024-cü ildə mülayim iqtisadi artıma səbəb olacağını proqnozlaşdırır. İnflyasiya 2023-cü ildəki 7,8%-dən sonra gələn il orta hesabla 3,6% olacaq. Bununla yanaşı, Bank Austria hesab edir ki, Yaxın Şərqdəki münaqişə indiki reallıqlarda avrozonada inflyasiya və pul siyasətinə yalnız məhdud təsir göstərəcək.

//Gülnarə Abasova, Editor.az