“Azərbaycan mafiyası”nın rəhbəri həbsdə qaldıbackend

“Azərbaycan mafiyası”nın rəhbəri həbsdə qaldı

  • whatsapp
  • messenger
  • telegram
  • vkontakte
  • odnoklassniki

Sankt-Peterburq şəhərinin Oktyabrski rayon məhkəməsi “Azərbaycan mafiyasının” rəhbəri Tural Məmmədovun barəsində həbs qətimkan tədbirinin müddətini uzadıb.

Editor.az axar.az-a istinadən xəbər verir ki, bu barədə Sankt-Peterburq məhkəmələrinin birgə mətbuat xidmətinin məlumatında deyilir.

“İstintaq göstərib ki, Məmmədov heç bir səbəb olmadan əxlaq normalarına zidd olaraq cinayətlər törətməkdə ittiham olunur”, – deyə məlumatda bildirilir.

Qeyd olunur ki, Məmmədov və müdafiə tərəfi həbs qətimkan tədbirinin uzadılmasına etiraz edərək ev dustaqlığı istəyib. Təqsirləndirilən şəxs gizlənmək fikrində olmadığını bildirib.

Xatırladaq ki, Məmmədov və daha 15 nəfər küçədə tanımadığı şəxsləri döyüb, daha sonra bu əməllərini lentə alaraq Teleqram kanalında yerləşdiriblər.