“Azərbaycan -Ukrayna” Beynəlxalq Alyansı Aşıq Şəmşir adına mükafat təsis edib.

Bu barədə Editor.az- a Alyansın sədri Elmar Məmmədov məlumat verib.

E. Məmmədov bildirib ki, Aşıq Şəmşir Kəlbəcər rayonun Dəmirçidəm kəndində anadan olub və onun istedadı gənc vaxtlarından özünü biruzə verib:

” O, bütün həyatını poeziyaya həsr edib. Ümumilli liderimiz Heydər Əliyev aşıq Şəmşirin yaradıcılığını yüksək qiymətləndirirdi. Ulu öndər 2003- cü ilin iyul ayında Aşıq Şəmşirin -əməkdar incəsənət xadimi, Şərəf Ordeninin kavalerinin 110 illik yubileyini bütün ölkədə keçirtmək barədə qərar imzaladı. Prezidentimiz İlham Əliyev və vitse-prezident Mehriban Əliyevanın qayğıkeş və müdrik politikasının sayəsində aşıq sənəti YUNESKO-nun mədəni irs siyahısına daxil olub. Bütün bunlar nəzərə alınaraq onun adına mükafat təsis olunub”.

Qeyd edək ki, Beynəlxalq Alyansın təltif etdiyi mükafat da incəsənət xadimlərinə təqdim olunmaq üçün planlaşdırılıb.