Azərbaycanda general təqaüdə göndərildi – Vəzifəsi Vətən Müharibəsi Qəhrəmanına həvalə edildibackend

Azərbaycanda general təqaüdə göndərildi – Vəzifəsi Vətən Müharibəsi Qəhrəmanına həvalə edildi

  • whatsapp
  • messenger
  • telegram
  • vkontakte
  • odnoklassniki

Heydər Əliyev adına Hərbi İnstitutun rektoru general-mayor Füzuli Salahov vəzifəsindən azad edilib.

“Qafqazinfo”nun əldə etdiyi məlumata görə, general F.Salahov son yaş həddi ilə bağlı təqaüdə göndərilib.

Məlumata görə, institutun rektoru vəzifəsinin icrası Vətən Müharibəsi Qəhrəmanı polkovnik Nizami Mövlanova həvalə edilib.

Polkovnik N.Mövlanov Vətən müharibəsində şücaət göstərən zabitlərdəndir. Müharibədən sonra Prezident İlham Əliyevin Sərəncamı ilə polkovnik Nizami Mövlanova “Vətən Müharibəsi Qəhrəmanı” adı verilib. Bundan əlavə, müxtəlif illərdə müdafiə nazirinin əmrləri ilə 1-ci, 2-ci və 3-cü dərəcəli “Qüsursuz xidmətə görə”, “Azərbaycan Silahlı Qüvvələri Veteranı” medalları, Azərbaycan Silahlı Qüvvələrinin 10, 90 və 95 illiyi, həmçinin “Azərbaycan Ordusunun 100 illiyi” yubiley medalları ilə təltif edilib. Müharibədən bir müddət sonra N.Mövlanov Heydər Əliyev adına Hərbi İnstitutun rəis müavini təyin edilib.

Qeyd edək ki, Heydər Əliyev adına Hərbi İnstitut Heydər Əliyev adına Ali Hərbi Məktəbin hüquqi varisidir. İnstitut Milli Müdafiə Universitetinin tabeliyində fəaliyyət göstərir.

Fotoda Vətən Müharibəsi Qəhrəmanı polkovnik Nizami Mövlanov