Azərbaycanda məktəb direktoru avtobus sürücüsü işləyir? – Rəsmi AÇIQLAMAbackend

Azərbaycanda məktəb direktoru avtobus sürücüsü işləyir? – Rəsmi AÇIQLAMA

  • whatsapp
  • messenger
  • telegram
  • vkontakte
  • odnoklassniki

Saatlı rayon Yeni Novruzlu kənd tam orta məktəbinin direktoru Elnur Rzayevin avtobus sürücüsü kimi çalışdığı barədə məlumatlara aydınlıq gətirilib.

Editor.az xəbər verir ki, bununla bağlı Bakı Nəqliyyat Agentliyinin Mətbuat katibi Mais Ağayev açıqlama verib.

O bildirib ki, bu məlumat həqiqəti əks etdirmir:

“Sosial şəbəkələrdə Saatlı rayon Yeni Novruzlu kənd tam orta məktəbinin direktoru Elnur Rzayevin məzuniyyət vaxtı avtobus sürücüsü işləməsi ilə bağlı fikirləri həqiqəti əks etdirmir. Bildiririk ki, “BakuBus MMC”də bu adda sürücü çalışmır. Elnur Rzayevlə əlaqə saxlanılıb və özünün də bildirdiyinə görə, o, bunu, sadəcə, paylaşım xatirinə edib.

Qeyd edək ki, “BakuBus” MMC-də sürücü kimi işə qəbul qanunvericiliklə müəyyən olunan sistem əsasına həyata keçirilir. Sürücü kimi işə qəbul olunan namizədlər əvvəlcə xüsusi təlimlər cəlb olunur. Təlimi keçən namizədlər Əmək Məcəlləsinin və digər qanunvericilik aktlarının tələblərinə müvafiq olaraq daimi əsaslı əmək müqaviləsinin əsasında sürücü vəzifəsinə təyin olunurlar. Bu isə onların əmək hüquqlarının qorunması, həm də sosial təminatlarının həyata keçirilməsi baxımından çox əhəmiyyətlidir”.