Azərbaycanın sabiq Mədəniyyət naziri Əbülfəs Qarayev Nyu-Yorkda görüntülənib.

Belə ki, qazaxıstanlı blogger Madina Su Nyu-Yorkun məşhur 5-ci prospektində (New York, Avenue 5) doğum günü videosunu çəkərkən, təsadüfən Azərbaycanın keçmiş Mədəniyyət naziri Əbülfəs Qarayevi də videoya salıb. Musavat.com həmin görüntüləri adıçəkilən bloggerin Instagram hesabından əldə edib və oxucularına təqdim edib.

Əbülfəs Qarayevin Nyu-Yorkda görünməsi və təsadüfən belə bir videoya düşməsi olduqca maraqlıdır. Uzun illər rəhbərlik etdiyi nazirlikdə qalmaqallı həbslərin, böyük maxinasiya və korrupsiyanın baş verdiyi halda, nazirin sərbəst şəkildə Amerikalarda dolaşması manidardır.
Ə.Qarayev nazirlikdəki korrupsiya sisteminin başında şəxsən dayanıb və milyonlarla sərvət əldə edib. Görünən budur ki, o, bu sərvətin əsaslı qismini ABŞ-a daşıyıb.

Əcaba, sabiq nazir ölkədən qaçaraq, ABŞ-yəmi sığınıb?

Bu da ciddi və araşdırılacaq suallardan biridir.

Musavat.com bu mövzunu sabahdan etibarən, araşdıracaq.