Rusiya və MDB ölkələrində məşhurlaşan azərbaycanlı video bloqer və iş adamı Hüseyn Həsənov subaylığın daşını atır.

Editor.az Bizim.Media-ya istinadən xəbər verir ki, bu haqda 28 yaşlı Hüseyn sosial şəbəkə hesabında məlumat yayıb.

Həsənov 24.04.2023 tarixini yazaraq “Nəyahət ki, Hüseyn evlənir” şərhini yazıb.

Məhz bunun üçün də onun anası Bakıya gəlib. Anasını Həsənov Heydər Əliyev Hava Limanında yeni aldığı lüks “Lamborghini” avtomobili ilə qarşılayıb.

Məşhur bloqer evlənəcəyi xanımın kimliyi ilə bağlı sualları cavabsız qoyub. Qeyd edək ki, Hüseyn Həsənov uzun zamandır ailə qurmaq və çoxlu övlad sahibi olmaq istədiyini bildirmişdi.

Həsənov evlənəcəyi xanımın onun ən sevdiyi “yumurta pomidor” bişirməsini bacarmasını da çəkdiyi videolarda hər zaman ön plana çıxarır.