İctimai Televiziyada “Baş tutmayan tələ” sənədli filmi yayımlanıb.

Filmdə Ermənistan xüsusi xidmət orqanlarının əməkdaşlarının Azərbaycan vətəndaşları ilə sosial şəbəkələr vasitəsilə necə əlaqə qurmalarından bəhs olunub.

Belə ki, filmdə Ermənistan xüsusi xidmət orqanlarının əməkdaşı Artur Arustamyanın Azərbaycan vətəndaşı ilə əlaqə qurması və ifşa edilməsi əks olunub.

A.Arustamyan şərti adı Cananə olan Dövlət Təhlükəsizliyi Xidmətinin əməkdaşı ilə yazışmalara başlayıb və ondan məlumatlar toplamağa çalışıb.

Daha sonra isə A.Arustamyan “Cananə”yə aşiq olub və özü haqqında bir çox şeyi “Cananə”yə etiraf edib. “Baş tutmayan tələ” sənədli filmində erməni agentin səs yazısı və görüntüləri də əks olunub.