Bakı-Tbilisi-Qars ilə bağlı müəssisə yaradılacaq – Azərbaycan 50 faiz pay sahibi olacaqbackend

Bakı-Tbilisi-Qars ilə bağlı müəssisə yaradılacaq – Azərbaycan 50 faiz pay sahibi olacaq

  • whatsapp
  • messenger
  • telegram
  • vkontakte
  • odnoklassniki

Azərbaycan və Gürcüstan hökumətləri arasında imzalanmış müvafiq sənədə əsasən Bakı-Tbilisi-Qars dəmir yolunun idarə olunması məqsədilə birgə müəssisə yaradılacaq.

Editor.az Trend-ə istinadən xəbər verir ki, bu sözləri jurnalistlərə açıqlamasında “Azərbaycan Dəmir Yolları” QSC-nin sədri Rövşən Rüstəmov bildirib.

Onun sözlərinə görə, layihə üzrə işlər tam başa çatdıqdan sonra bütün əməliyyatlar bu müəssisə tərəfindən həyata keçiriləcək.

“Bu istiqamətdə də artıq işlərə başlanılıb, hüquqi sənədlər hazırlanıb və yaxın günlərdə birgə müəssisənin yaradılacağı gözlənilir. Birgə müəssisə hər iki tərəfin 50 faiz pay sahibi olması şərti ilə yaradılır. Birgə müəssisənin əsas işi layihə ilə bağlı işlərin həyata keçirilməsi, yükdaşıma üzrə tariflərin müəyyən olunması, yüklərin daşınması və bütövlükdə əməliyyat məsələlərinin həll olunmasından ibarətdir”, – deyə R.Rüstəmov vurğulayıb.