Metronun “Koroğlu” stansiyasında gənc oğlan özünü qatarın altına atıb.

Hadisə ötən gün gecə saatlarında baş verib.

“Bakı Metropoliteni” QSC-nin mətbuat xidmətinin rəhbəri Bəxtiyar Məmmədov məlumatı Editor.az-a təsdiqləyib.

O bildirib ki, ötən gün sözü gedən stansiyada gənc oğlan qatar yoluna düşüb:

“Dərhal metropolitenin təlimat qaydasına uyğun olaraq yüksək gərginlikdən ayrılıb. Daha sonra sərnişin oradan çıxarılaraq aidiyyəti üzrə təhvil verilib”.

Faktla bağlı araşdırma aparılır.