ABŞ prezidenti Co Bayden aşağı reytinqlərdən və son sorğuların nəticələrindən məyus olub.

Editor.az bu barədə Amerikanın Washington Post qəzetinə istinadən yazır. “Prezident və birinci xanım Jill Bayden aylardır köməkçilərinə və dostlarına prezidentin aşağı reytinqindən məyus olduqlarını deyirlər və sorğular onun keçmiş prezident Donald Trampı geridə qoyduğunu göstərir”,- deyə bildirilib.

“Washington Post”un hesabatı həmçinin qeyd edir ki, Bayden prezidentin aşağı reytinqləri ilə bağlı komandasının nə etdiyini bilmək istəyir. Bundan əvvəl Amerika prezidenti Co Baydenin hərəkətlərinin bəyənilmə səviyyəsinin onun prezidentliyi dövründə ən aşağı səviyyəyə – 40%-ə düşdüyü bildirilirdi. Seçicilərin əksəriyyəti prezidentin xarici siyasətə yanaşması və Yaxın Şərqdəki münaqişələrə münasibəti ilə razılaşmır.

Eyni zamanda, CNN-in son sorğusu göstərdi ki, Donald Tramp dəstək baxımından ABŞ-ın hazırkı prezidentini qabaqlayır.

//Gülnarə Abasova, Editor.az