Türk təyyarə konstruktorları Türkiyənin ilk pilotsuz qırıcısı “Bayraktar Kızılelma”nın hazırlanmasında daha bir mühüm mərhələni keçiblər.

Türkiyənin şimal-qərbində yerləşən Tekirdağ vilayətinin Çorlu rayonundakı Akıncı təlim və sınaq mərkəzindən havaya qalxan “Bayraktar Kizilelma PT-3” İHA prototipi uçuş missiyasında alınan bütün elementləri uğurla yerinə yetirib.

Editor.az bu barədə Türkiyənin “Anadolu” agentliyinə istinadən xəbər verir. “Bayraktar Kizilelma” layihəsi 2021-ci ildən bəri inkişaf mərhələsindədir; quyruq nömrəsi TC-ÖZB olan qırıcı 14 noyabr 2022-ci ildə istehsal xəttindən çıxıb və düz bir ay sonra ilk dəfə havaya qalxıb. Şirkət əmindir ki, onun yeni inkişafı manevr qabiliyyəti və minimum uçuş zolağı uzunluğundan istifadə etməklə gəmilərdən və qurudan qalxmaq və enmək qabiliyyəti sayəsində döyüş meydanında inqilabi platformaya çevriləcək.

//Samir Qurbanov, Editor.az