Komediya aktyoru Slava Komissarenkoya qarşı Belarus Cinayət Məcəlləsinin üç maddəsi ilə xüsusi iş başlanıb.

O, böhtan (Belarus Cinayət Məcəlləsinin 367-ci maddəsinin 2-ci hissəsi) və prezident Aleksandr Lukaşenkonu açıq şəkildə təhqir etməkdə (368-ci maddənin 1-ci hissəsi), habelə düşmənçilik və nifaq salmaqda (130-cu maddənin 1-ci hissəsi) ittiham olunur. Slava Komissarenkoya qarşı xüsusi proses dünən, avqustun 15-də başlayıb. Bu gün, avqustun 16-da bu barədə məlumat Belarus İstintaq Komitəsinin məlumat bazasında yer alıb.

Slava Komissarenkonun 39 yaşı var. 2020-ci il Belarus prezident seçkilərindən bəri o, dəfələrlə səsverməni saxta adlandırıb və etirazçılara qarşı zorakılığı pisləyib. Komediyaçı çıxışlarında Aleksandr Lukaşenkonu parodiya edib və onu “çıx-çırıq” adlandırıb. 2021-ci ildən onun Belarusda konsert verməsi qadağan edilib.

//Samir Qurbanov, Editor.az