Belarus prezidenti Aleksandr Lukaşenko ölkəyə “ondan çox” nüvə başlığının gətirildiyini bildirib.

O, əlavə edib ki, dövlət sərhədinin pozulmasına görə digər ölkələrə dərhal reaksiya veriləcək. “Mən bura nüvə başlıqları gətirmişəm. Çoxları yazır: “Ah, bu zarafatdır, heç kim heç nə idxal etməyib”. Onların bunun zarafat olduğunu düşündülər və nüvə başlıqlarını bura necə gətirdiyimizin fərqinə belə varmadılar”, – deyə Belarus prezidenti bildirib.

Aleksandr Lukaşenko nüvə silahından istifadəni böyük məsuliyyət adlandırıb. “Mən bütün düşmənlərimə, “dostlarıma” və rəqiblərimə xəbərdarlıq etdim: dövlət sərhədi xəttinə addım atsalar cavab dərhal olacaq. Mən nüvə silahlarına və ya başqa bir şeyə baxmayacağam”, – o əlavə edib. Lukaşenkonun sözlərinə görə, Belarusun aldığı nüvə başlıqları “Oreşnik” ballistik raketindən beş dəfə güclüdür. O, həmçinin bildirib ki, “Oreşnik” buraxılış qurğusu Belarusda Minsk Təkərli Traktor Zavodunda (MZKT) istehsal edilib.

//Samir Qurbanov, Editor.az