Türkiyənin Adana şəhərinin Karataş vilayətində qəribə hadisə baş verib.

“Habertürk”ün məlumatına görə, bələdiyyə sədri yolsuzluq probleminə etiraz edərək işçini girov götürüb və silahla hədə-qorxu gəlib. O, küçələrə yol çəkilməzsə, girovu azad etməyəcəyini bildirib.

Həmin görüntülər sosial şəbəkədə yayımlandıqdan sonra bələdiyyə sədri haqqında tədbir görülməsi üçün polisə şikayət olunub.

Hüquq mühafizə orqanlarına ifadə verən sədr videonun zarafat məqsədilə çəkildiyini deyib və sərbəst buraxılıb.