Rusiyanın Belqorod şəhərinin yerli hakimiyyət orqanları aprelin 1-i axşam saatlarında bölgədə hava hücumundan müdafiə vasitələrinin fəaliyyət göstərdiyini bildiriblər. Zərbələr nəticəsində evlərə ziyan dəyib, insanlar xəsarət alıb.

Editor.az bildirir ki, bu barədə Rusiya Federasiyasının Belqorod vilayətinin qubernatoru Vyaçeslav Qladkov, Rusiya Federasiyasının Müdafiə Nazirliyi, Belqorodun yerli ictimai səhifələri məlumat yayıblar.

Rusiya Müdafiə Nazirliyi bildirib ki, zərbələr guya “RM-70 Vampire” reaktiv buraxılış raket sistemindən həyata keçirilib. Hava hücumundan müdafiə qüvvələrinin 17 raketi vurduğu iddia edilir. Region qubernatorunun ilkin məlumatına görə, 9 nəfər xəsarət alıb.

//Samir Qurbanov, Editor.az