İsrailin baş naziri Benyamin Netanyahu həyat yoldaşı Sara ilə birlikdə Budapeştə gəlib. İsrailin baş nazirinin gəlişini Macarıstanın müdafiə naziri Kristof Szalay-Bobrovnicki elan edib.

Szalai-Bobrovnicki deyib: “Biz İsrailin Baş naziri Benyamin Netanyahunu Budapeştə salamlayırıq”. “Magyar Nemzet”in məlumatına görə, Benyamin Netanyahu Budapeştə macar həmkarı Viktor Orabanın dəvəti ilə gəlib. İsrailin baş naziri bir neçə gün Macarıstanda qalacaq. Onun Orbanla bir neçə görüşü var.

“The Times of Israel”in yazdığına görə, bu, Beynəlxalq Cinayət Məhkəməsinin onun barəsində həbs qərarı çıxardıqdan sonra bu, Netanyahunun ilk səfəridir. Qəzetin mənbələrinin məlumatına görə, səfər zamanı Benyamin Netanyahu İsrailin BCM-dən çıxdığını elan etmək niyyətindədir.

Xatırladaq ki, keçən ilin noyabrında Beynəlxalq Cinayət Məhkəməsi İsrailin baş nazirinin həbsinə order verib. O, Fələstində, o cümlədən Qəzza zolağında hərbi cinayətlərdə ittiham olunur. Fevral ayında ABŞ prezidenti Donald Tramp məhkəmənin ABŞ və onun müttəfiqlərinə, o cümlədən İsrailə qarşı hərəkətlərinə görə BCM-yə sanksiya tətbiq edən fərman imzalayıb.

//Samir Qurbanov, Editor.az