Şimali İraq Kürd Regional Muxtariyyətinin keçmiş rəhbəri Məsud Bərzani İŞİD terror təşkilatının ötən gün Mahmurda həyata keçirdiyi 10-u peşmərgə, 3-ü mülki olmaqla 13 nəfərin həyatını itirdiyi hücumla bağlı açıqlama verib.

Teleqraf.com xəbər verir ki, o, İŞİD-ə ən qısa vaxtda cavab veriləcəyini bildirib.

“Millətimizi qorumaq, müdafiə etmək və Peşmərgə Qüvvələri ilə bağlı narahatlıq yaratmamaq üçün müdafiə səylərini inkişaf etdirmək lazımdır”, – Bərzani deyib.

Məsud Bərzani millətinin qisasının ən qısa vaxtda alınacağını bildirib:

“Tezliklə şəhidlərimizin qisasını düşməndən almalıyıq”.

Muxtariyyətin baş naziri Nərçivan Bərzani isə beynəlxalq birliyə müraciət edərək, İŞİD-ə qarşı hərəkətə keçməyə çağırıb.