Editor.az bildirir ki, “Sky News Arabia” telekanalına müsahibəsində Əsəd “Türkiyənin Suriyanın şimal bölgələrini işğal etməsini” tanımaq niyyətində olmadığını vurğulayıb. “Tayyib Ərdoğanla görüş Ankaranın müəyyən etdiyi şərtlərlə baş tutmayacaq. Hazırkı vəziyyətdə onunla danışıqlara girmək Türkiyənin Suriyanın şimal bölgələrini işğal etməsinin tanınması demək olacaq”, – deyə o vurğulayıb.

Suriya prezidenti hələ mart ayında bildirmişdi ki, o, Ərdoğanla yalnız türk qoşunları ölkəsini tərk etdikdən sonra görüşəcək.

Onun fikrincə, bu cür danışıqlar Suriyadakı hərbi münaqişəyə son qoymalıdır. May ayında Moskvada Rusiya, Türkiyə, Suriya və İran xarici işlər nazirlərinin görüşü keçirilib. Onun əsas nəticəsi Türkiyə-Suriya münasibətlərinin normallaşması üçün “yol xəritəsi”nin hazırlanması qərarı olub.