“Beşiktaş” klubunun dəstəklədiyi azərbaycanlı gənc xərçəng xəstəliyindən vəfat etdi – FOTObackend

“Beşiktaş” klubunun dəstəklədiyi azərbaycanlı gənc xərçəng xəstəliyindən vəfat etdi – FOTO

  • whatsapp
  • messenger
  • telegram
  • vkontakte
  • odnoklassniki

Uzun müddət qan xərçəngindən (leykoz) əziyyət çəkən İbrahim Fərhadlı vəfat edib.

Publika.az xəbər verir ki, sağalması üçün kampaniyalar təşkil edilən, İstanbul Texniki Universitetinin tələbəsi İ.Fərhadlı xərçənglə mübarizədə məğlub olub.

Qeyd edək ki, İbrahim Fərhadlı üçün xeyli müddət yardım kampaniyaları təşkil olunub, ona azarkeşi olduğu “Beşiktaş” klubundan da dəstək gəlib.

Azərbaycanlı tələbənin azarkeşi olduğu klubun futbolçuları – Mario Qomeş, Olcay Şahan, Gökhan Töre, Günay Güvenç, Cenk Tosun və Tolqa Zengin – 29 yaşlı gəncə dəstək mesajı yayımlayıblar. Üstəlik, “Beşiktaş” futbolçuları imzaladıqları formanı İ.Fərhadlıya göndəriblər.

Qeyd edək ki, Bakı Dövlət Universitetinin məzunu olan İ.Fərhadlı təhsilini İstanbul Texniki Universitetində ətraf mühit mühəndisliyi üzrə davam etdirib. Burun qanaxması nəticəsində xəstəxanaya aparılan azərbaycanlı gəncə xərçəng diaqnozu qoyulub. Türkiyə vətəndaşı və sosial təminatı olmadığı üçün müalicə özəl klinikada aparılıb.

O, doğulduğu Ağdaş rayonunda dəfn edilib.