Bir sıra Aİ ölkələri Türkiyə və BMT-nin Taxıl sazişinin yenidən qüvvəyə minməsi üçün Rusiya ilə danışıqlarda göstərdiyi səylərə dəstək veriblər.

Editor.az xəbər verir ki, taxıl müqaviləsi ilə bağlı danışıqlarda iştirak edən mənbə Sputnik-ə bildirib ki, Qərb qiymət artımından narahatdır.

“Bilirsiniz ki, biz sazişin yenidən qüvvəyə minməsi üçün bütün tərəflərlə əlaqə saxlamağa davam edirik. Biz səylərimizə verilən dəstəyi Qərb tərəfdaşları ilə təmaslarımızda görürük. Bir sıra Aİ ölkələri bizim səylərimizi dəstəklədiklərini açıq şəkildə bildirdilər. BMT Rusiya tərəfi ilə intensiv danışıqlar aparır”, – mənbə bildirib.

Bəzi Qərb ölkələrinin razılaşmasına xitam verilməsinin qiymət artımına səbəb olacağından narahat olduğunu izah edən mənbə danışıqların davam etdiyini və BMT-nin səy göstərdiyini bildirib.

Dəstək olan Aİ ölkələrinin adlarını açıqlamaqdan çəkinən mənbə, “Mövcud çətin vəziyyətdə danışıqlar prosesinin təfərrüatlarını açıqlamaq düzgün olmaz”,- deyə əlavə edib.

//Gülnarə Abasova, Editor.az