NATO Hərbi Komitəsinin sədri Rob Bauer Rusiya lideri Vladimir Putindən cəmi bir həftə sonra Monqolustan Baş Qərargahı ilə görüşmək üçün Monqolustana gedib.

Editor.az xəbər verir ki, NATO Hərbi Komitəsinin sədri Rob Bauer X sosial media hesabında etdiyi paylaşımda Monqolustana səfər etdiyini açıqlayıb. Bauer bildirib ki, onu Monqolustan Baş Qərargah rəisi Qabyamba Sunrev dəvət edib. Komitə sədri deyib: “Monqolustan Baş Qərargahı ilə görüşmək mənim üçün şərəfdir. Biz Monqolustandan göndərilən Əfqanıstan və Kosovoda xidmət edən sülhməramlılarla da görüşdük. Monqolustan on illərdir NATO üçün etibarlı tərəfdaş olmaqda davam edir. ”

Bir həftə əvvəl Rusiya prezidenti Vladimir Putin də Monqolustanda idi. Putinin Monqolustana səfərindən əvvəl ən çox müzakirə edilən məsələ Monqolustan hökumətinin Beynəlxalq Cinayət Məhkəməsinin qərarlarını icra edib-etməyəcəyi olub. Digər tərəfdən, Monqolustan hakimiyyəti Rusiya liderini hərarətlə qarşıladı və bir çox yeni razılaşmalar əldə edildi.

//Gülnarə Abasova, Editor.az