Rusiyanın Ukraynaya tammiqyaslı işğalı proqnozlaşdırılandan tez başa çata bilər.

Editor.az bildirir ki, bunu Ukrayna prezidenti Vladimir Zelenski sentyabrın 23-də ABC kanalına müsahibəsində deyib. “Məncə, biz sülhə çoxlarının düşündüyündən daha yaxınıq”, – deyə dövlət başçısı bildirib.

ABŞ-a gətirdiyi Ukraynanın qələbəsi planından danışan Zelenski vurğulayıb ki, söhbət Rusiya ilə danışıqlardan yox, Rusiyanın təcavüzünə diplomatik yolla son qoymaq üçün Ukraynanı gücləndirməkdən gedir. “Yalnız güc mövqeyindən Putini diplomatiya yolu ilə sülhə sövq edə biləcəyik”, – deyə prezident bildirib.

Ukrayna müdafiə qüvvələrinin Rusiya Federasiyasının Kursk vilayətində hərəkətləri ilə bağlı sualı cavablandıran Zelenski qeyd edib ki, Putin “qorxur”. “Düzdür, o, çox qorxur, çünki xalqı onun ölkə ərazisini qoruya bilməyəcəyini gördü”.

//Samir Qurbanov, Editor.az