BMT-nin Yaxın Şərqdəki Fələstinli Qaçqınlara Yardım Agentliyi (UNRWA) maliyyə vəsaitinin yarısını itirdiyi üçün fəaliyyətini yalnız fevralın sonuna qədər davam etdirə biləcək.

Bu barədə “El País” nəşri qurumun əməkdaşlarının Fələstinin radikal HƏMAS hərəkatının fəaliyyətində mümkün iştirakı ilə bağlı aparılan təhqiqatla bağlı məlumat yayıb. UNRWA-nın kommunikasiyalar üzrə direktoru Juliet Tuma bildirib ki, 16 donor ölkə artıq təşkilata kömək etməkdən imtina edib. O da məlumdur ki, Avropa Komissiyası BMT-nin daxili təhqiqatının nəticələrini gözləyir və UNRWA-nın üçüncü ən böyük donoru olan Aİ-dən maliyyə yardımının davam edib-etməməsinə qərar vermək üçün öz baxışını keçirəcək.

Bu ay İsrail UNRWA-nı bəzi əməkdaşlarının HƏMAS-ın İsrail yaşayış məntəqələrinə 7 oktyabr hücumunda əli olmaqda ittiham edib və onlarla müqavilələri ləğv etmək qərarına gəlib. Birləşmiş Ştatlar və sonradan bir çox ölkələr UNRWA-nın bəzi işçilərinin HƏMAS ilə əlaqələri olduğuna dair şübhələrə görə UNRWA-ya ayrılan maliyyəni dayandırıb.

//Gülnarə Abasova, Editor.az