Birləşmiş Millətlər Təşkilatının İnsan Haqları Şurası (UNHRC) İsraili Qəzza zolağında insan hüquqlarının pozulmasına görə məsuliyyətə cəlb etməyə çağıran qətnamə qəbul edib.

Qətnamə Pakistan tərəfindən təqdim olunub. İsrailin BMT-dəki daimi nümayəndəsi Meirav Eilon Shahar bildirib ki, qəbul edilən sənəd bütün təşkilatın nüfuzuna kölgə salır: “İşğal edilmiş Fələstin ərazilərində, o cümlədən Şərqi Qüdsdə insan hüquqlarının vəziyyəti, habelə hesabatlılığın və ədalətin təmin edilməsi üzrə öhdəliklərə dair qətnamə layihəsi qəbul edilib”, – deyə UNHRC sosial media X-də yazıb. Qətnaməni 28 üzv ölkə dəstəkləyib. ABŞ və Almaniya daxil olmaqla 13 üzv bitərəf, 6-sı əleyhinə səs verib.

Pakistanın BMT-dəki daimi nümayəndəsi Bilal Əhməd deyib ki, “layihə işğal olunmuş Fələstin ərazilərində, xüsusilə də Qəzza zolağında insan haqlarının kobud şəkildə pozulmasına cavab vermək üçün nəzərdə tutulub”: “Bu Şura və onun bir çox üzvləri üçün önəmli olan İsraili qınamaq, yeganə yəhudi dövlətini tənqid etmək və HƏMAS və Fələstin Administrasiyası və ölkəmizi məhv etmək istəyənlərin hamısını müdafiə etməkdir. Bu qətnamə İnsan Hüquqları Şurasına və bütövlükdə BMT-yə kölgə salır”, – İsrailin BMT-dəki daimi nümayəndəsi bildirib.

O, həmçinin Belçika, Finlandiya və Lüksemburq kimi bəzi Avropa ölkələrinin HƏMAS-ın adı çəkilməyən qətnaməni dəstəkləməsindən məyus olduğunu vurğulayıb. Bundan əlavə, bu gün UNHRC də Fələstin xalqının öz müqəddəratını təyinetmə hüququna dair qətnamə qəbul edilib. ABŞ Paraqvayla birlikdə bunun əleyhinə səs verib. Albaniya, Argentina və Kamerun bitərəf qalıb, digər ölkələr isə sənədi dəstəkləyib.

//Samir Qurbanov, Editor.az