Birləşmiş Millətlər Təşkilatının baş katibi Antonio Quterreş Azərbaycana səfər edə bilər. Bu təkliflə ona Qafqaz Müsəlmanları İdarəsinin sədri, şeyxülislam Allahşükür Paşazadə çıxış edib.

QMİ rəhbəri qlobal təşkilatın rəhbərini İslamlərarası dialoq və islamofobiya ilə mübarizəyə həsr olunmuş tədbirdə iştiraka dəvət edib. Bu görüşün 2026-cı ildə keçirilməsi planlaşdırılır və Müsəlman Ağsaqqallar Şurası və BMT-nin Sivilizasiyalar Alyansı tərəfindən təşkil ediləcək.

Xatırladaq ki, Quterreşin Bakıya əvvəlki səfəri 2024-cü ilin noyabrında baş tutub. Həmin səfər zamanı o, COP29-da iştirak edib.

//Samir Qurbanov, Editor.az