“ABŞ Yaxın Şərq münaqişəsinin birbaşa iştirakçısıdır və İsrailin tərəfindədir”.

Editor.az “RİA “Novosti”yə istinadən xəbər verir ki, bu sözləri BMT-nin İnsan Haqları üzrə Ali Komissarlığının Nyu-Yorkdakı ofisinin keçmiş direktoru Kreyq Moxayber deyib. Agentliyin məlumatına görə, məmur beynəlxalq təşkilatdan öz istəyi ilə istefa verib. O, bu qərarı BMT-nin Fələstin-İsrail böhranının həlli istiqamətindəki mövqeyinə görə verib və 2023-cü il noyabrın 1-də vəzifəsini tərk edib.

Ekspertin qeyd etdiyi kimi, BMT-nin bütün ekspertləri “Yaxın Şərq dördlüyü”nün səmərəsizliyindən xəbərdardırlar. Onun sözlərinə görə, bu beynəlxalq qurumun heç bir səlahiyyəti yoxdur və onun üzvlərinin bu faktı dərk etmələrinin vaxtı çatıb.

O əlavə edib ki, Vaşinqton İsrail rəsmilərinə hərbi dəstək üçün milyardlarla dollar ayırıb. Bundan başqa, ABŞ və İsrail kəşfiyyat sahəsində fəal əməkdaşlıq edir. Keçmiş məmur Amerika rəhbərliyinin İsrailin məsuliyyətə cəlb olunmasının qarşısını almaq cəhdlərini də qeyd edib. Mokhaiber bildirib ki, ABŞ bunun üçün BMT Təhlükəsizlik Şurasında və digər qlobal strukturlarda öz nüfuzundan istifadə edir. Ekspert sonda bildirib ki, Vaşinqtonun Yaxın Şərqdəki münaqişədə vasitəçilik rolunu oynaması ilə bağlı ehtimallar illüziyadır. O, belə qənaətə gəlib ki, eyni şey Avropa İttifaqının (Aİ) əhəmiyyətli hissəsinə də aiddir, onun liderləri insan haqlarını qorumaqdansa, İsrailin təcavüzünü və humanitar hüququn pozulmasını dəstəkləyir.

//Gülnarə Abasova, Editor.az