BMT Təhlükəsizlik Şurası və Baş Assambleyası yeni Baş Katib axtarışını elan edən məktub yayıb. Sənəd Syerra-Leonenin BMT-dəki Daimi Nümayəndəliyinin mətbuat xidməti tərəfindən yayılıb.

Editor.az xəbər verir ki, birgə məktubda qeyd edilir ki, BMT-nin tarixi boyunca yalnız kişilər onun dövlət başçısı vəzifəsində çalışıblar. Bu səbəbdən, “Üzv dövlətlərə qadınların namizədliyini ciddi şəkildə nəzərdən keçirmələri tövsiyə olunur”. Sənəddə həmçinin Baş Katibin seçilməsində “regional müxtəlifliyin” vacibliyi qeyd olunub. Baş Katib üçün faktiki seçim prosesi 2026-cı ilin iyul ayına planlaşdırılıb.

Qeyd edək ki, BMT-nin hazırkı Baş Katibi Antonio Quterreşdir. Onun səlahiyyət müddəti gələn ilin 31 dekabrında başa çatır.

//Samir Qurbanov, Editor.az