Böyük Britaniya Ukraynaya Kursk bölgəsinə hücumda uzaqmənzilli “Storm Shadow” raketlərindən istifadə etməyə icazə verməyib.

Editor.az bildirir ki, bu barədə “The Daily Telegraph” qəzeti Britaniya baş nazirinin ofisinin nümayəndəsinə istinadən yazır: “Böyük Britaniyanın mövqeyi dəyişməyib. Biz Ukraynanın özünümüdafiə hüququnu dəstəkləmək üçün hərbi yardım göstəririk. Biz açıq şəkildə bildirdik ki, Böyük Britaniya tərəfindən verilən texnika Ukraynanın müdafiəsi üçün nəzərdə tutulub”, – nəşr adı açıqlanmayan həmsöhbətin sözlərindən sitat gətirir.

İyulun əvvəlində Böyük Britaniyanın baş naziri Keir Starmer bildirib ki, Ukraynaya ötürülən raketlər beynəlxalq humanitar hüquqa uyğun istifadə edilməlidir. Eyni zamanda o qeyd edib ki, Kiyev onları necə tətbiq etmək barədə müstəqil qərar vermək hüququna malikdir. Prezident Vladimir Putin NATO ölkələrini Rusiyaya hücumlar barədə danışmazdan əvvəl “xəbərdar olmağa” çağırıb. Avqustun 12-də Ukrayna prezidenti Vladimir Zelenski Rusiya ərazisində tədarük edilən uzaqmənzilli silahlardan istifadə etmək üçün Qərbdən icazə almaq niyyətində olduğunu bildirib.

//Samir Qurbanov, Editor.az