Braziliyanın paytaxtı Brazilia şəhərində koronavirusla əlaqədar komendant saatı tətbiq edilib.

Editor.az Trend-ə istinadən bildirir ki, bu barədə paytaxtın Federal dairəsinin qubernatoru İbaneys Roşa özünün “Twitter” səhifəsində yazıb.

İ.Roşa bildirib: “Vəziyyət kritikdir. Mən bu gün saat 22:00-da qüvvəyə minəcək komendant saatı elan edirəm. Federal dairəsnin ərazisində olan hər kəs axşam saat 22:00-dan səhər saat 05:00-a qədər evlərində qalmalıdır. <…> Məhdudiyyət martın 22-dək qüvvədə olacaq”.

Onun sözlərinə görə, belə məhdudiyyət “xəstəliyin yayılmasına qarşı yeganə mübarizə formasıdır”.