Kreml hazırda Ukrayna ilə danışıqları əhəmiyyətsiz hesab edir.

Editor.az bildirir ki, bu barədə prezidentin mətbuat katibi Dmitri Peskov deyib. Peskov vurğulayıb ki, onların həyata keçirilməsi üçün heç bir “əsas və ilkin şərtlər” yoxdur.

Bu baxımdan Rusiyanın mövqeyi Ukrayna prezidenti Vladimir Zelenskinin dünən keçirdiyi mətbuat konfransında ifadə etdiyi mövqe ilə üst-üstə düşür. “Biz həqiqətən inanırıq ki, danışıqlar mövzusu aktual deyil. Onların heç bir əsası və ilkin şərtləri yoxdur.

O vaxtdan Böyük Britaniyanın təkidi ilə Ukrayna danışıqlar masasını tərk edib. Ukrayna qanuni olaraq Rusiya Federasiyası ilə hər hansı danışıqları qadağan edib. Sülh formulu: burada gözlərinizi açıb faktlara baxmaq lazımdır. Onlar Rusiyanın iştirakı olmadan sülh formulunu tapmağa çalışırlar. Bu absurddur”, – Dmitri Peskov mətbuata danışarkən deyib.

//Samir Qurbanov, Editor.az