Həkim Esmira Qurbanovanın övladının, anasının və anasının rəfiqəsinin naməlum 5 qadın tərəfindən döyülməsi iddiası ilə bağlı bəzi sosial şəbəkə səhifələrində məlumat yayılıb.
Daxili İşlər Nazirliyin mətbuat xidmətinin əməkdaşı Nurlan Əliyev Teleqraf.com-a bildirib ki, hadisə avqustun 1-də Dənizkənarı Milli Park ərazisində baş verib.
Belə ki, vətəndaş E.Babayevanın anası İ.Babayeva və anasının rəfiqəsi A.Nəsirovanın tanımadıqları 3 qadınla aralarında münaqişə yaşanıb. Bununla bağlı müvafiq polis orqanında araşdırma başlanılıb.
Tərəflərin xəsarətlərinin müəyyən edilməsi üçün ekspertiza təyin olunub.
Araşdırmanın nəticəsindən asılı olaraq məsələyə hüquqi qiymət veriləcək.