“Buna nəyə əsasən qərar veriblər, vallah, mənə çatmır“ – Kamil Zeynallıbackend

“Buna nəyə əsasən qərar veriblər, vallah, mənə çatmır“ – Kamil Zeynallı

  • whatsapp
  • messenger
  • telegram
  • vkontakte
  • odnoklassniki

Tanınmış fitness məşqçisi Kamil Zeynallı koronavirus pandemiyasına görə idman zallarının artıq bir ildir bağlı olmasına münasibət bildirib.

Yenisabah.az-a danışan idmançı bununla bağlı qərarın dəyişməsini vacib sayıb. O, dünya təcrübəsindən istifadə edərək zalların fəaliyyətini bərpa etməyin mümkün olduğunu vurğulayıb:

“İlk növbədə qeyd etmək lazımdır ki, idman zalalrının bağlı qalması insanların sağlamlığına ziyandır. İdman etmək insanları həm xəstəliklərdən qoruyur, həm də mənfi davranışdan, pis əməllərdən çəkindirir. Psixoloji baxımdan da idman insanları pis düşüncələrdən, depressiyadan uzaq edir. Bir sözlə idman sanki bir dərmandır. Amma bir il ərzində zalların bağlı qalmağı düzgün deyil. Rusiya, Türkiyə kimi böyük ölkələrdə idman zalları işləyir, onların əhalisi də, şəhərləri də bizimkində qat-qat böyükdür. Bu ölkələrdə idman zalları işləyir, amma bizdə bağlıdır. Çox maraqlıdır, bu qərarı necə fikirləşib, necə qəbul ediblər?! Metroların bağlı olmasını anladıq, lakin avtobusa insanları çox mindirirlər. 20 nəfərlik avtobusa  40 nəfər adam minib gedir. Sual edirəm, bəs bu xəstəlik yaymırmı?! Bütün böyük restoranlar ağzına kimi adamla doludur. Şadlıq evinə icazə vermirlər. Həmin restoranlarda  bircə bəy-gəlin çatmır. Toy yaxud, restoran, heç bir fərqi yoxdur. Restoran, şadlıq evlərini də qoydum qırağa, idman zalları üçün bunu necə fikirləşirlər? Buna nəyə əsasən qərar veriblər, vallah, mənə çatmır. Amma yenə də dövlətdir. Onlar hər halda bizdən daha yaxşı bilərlər. Lakin bizlər də insan olaraq, vətəndaş olaraq analiz edəndə görürük ki, bu, düzgün qərar deyil”.

K.Zeynallı özü payızdan bəri idmanla məşğul ola bilmədiyini deyib:

“Zallar açılsa müəyyən qaydalar təbii ki, qoyulacaq və qaydalara mütləq əməl etmək lazımdır. Nə qayda desələr, biz təbii ki, əməl edəcəyik, amma zallar açılsın. Mən sonuncu idman məşqimi sentyabrın 26-sı etmişəm. Sentyabrın 27-si döyüş başladı, cəbhəyə döyüşməyə getdim. Ondan sonra tutulmaqlarım, başıma işlər gəlməsi, yardımlar və s. idman edə bilmədim. Bunlar heç cür imkan vermədi ki, məşq edim”.

Qeyd edək ki, ölkəmizdə tətbiq olunan xüsusi karantin rejimi ilə əlaqədar uzun müddətdir fəaliyyətini dayandıran sahələrdən biri də idman zallarıdır. Vaxtaşırı yumşalmalarla müxtəlif sahələrdəki məhdudiyyətlərin bir qismi aradan qaldırılsa da, idman zalları hələ də bağlı qalır.

 

“Buna nəyə əsasən qərar veriblər, vallah, mənə çatmır“  - Kamil Zeynallı
“Buna nəyə əsasən qərar veriblər, vallah, mənə çatmır“  - Kamil Zeynallı