Ukraynanın hər yerində hava hücumu xəbərdarlığı elan edilib. Bütün Ukrayna ərazisində müxtəlif dərəcəli qanadlı raketlərin buraxılması təhlükəsi var.

Son saata olan məlumata görə, Rusiyanın 11 Tu-95MS bombardmançı təyyarəsi Xəzər dənizində buraxılış məntəqələrindədir. Bundan əlavə “Kalibrlər”, “Şahedlər”, MiG-31K-lər də hücuma hazır vəziyyətə gətirilib.

Hərbi Dəniz Qüvvələrinin bildirdiyinə görə, hazırda Qara dənizdə 4 düşmən gəmisi var ki, onlar “Kalibr” qanadlı raketlərinin daşıyıcılarıdır. Raketlərin sayı 28-ə qədərdir. Eyni zamanda, Hərbi Hava Qüvvələrinin məlumatına görə, hazırda Ukraynanın bir sıra bölgələrində düşmən PUA-ları yerləşir. Bunlar Volın, Kiyev, Jitomir, Vinnitsa, Sumi, Çerniqov, Poltava, Nikolaev, Cherkassy, Dnepropetrovsk və Xarkov bölgələridir. “Bir neçə qrup düşmən PUA-sı da Qara dənizdən cənuba doğru mövqe tutub”, – Hərbi Hava Qüvvələri əlavə edib.

//Samir Qurbanov, Editor.az