Türkiyədə Dünya Kubokunun yayımçısı olan TRT-də F qrupunda oynanan Kanada-Mərakeş oyunun şərhi zamanı yaşanan hadisə ölkənin gündəminə düşüb.
Editor.az xəbər verir ki, Kanada-Mərakeş matçında TRT-nin aparıcısı Alper Bakırcıgil 4-cü dəqiqədə qol vurulduqdan sonra hazırda axtarışda olan FETÖ-çu futbolçu Hakan Şükürün adını çəkib.
Aparıcı Alper Bakırcıgil deyib ki, dünya çempionatı tarixinin ən erkən qolu Hakan Şükür tərəfindən vurulub: “Xatırladaq ki, dünya çempionatının ən sürətli qolunu Hakan Şükür vurub”.
Bu sözlərindən sonra oyunun ikinci hissəsində aparıcı efirdən çıxarılıb və onu digər diktor Cüneyt Kıran əvəz edib.
//Samir Qurbanov, Editor.az