Cənubi Çin dənizində Çin və Filippinə məxsus dəniz polis gəmisi toqquşub.

Editor.az xəbər verir ki, bu barədə Çin Xalq Respublikasının Sahil Mühafizəsi İdarəsinin rəsmi nümayəndəsi Qan Yuya məlumat yayıb. Onun sözlərinə görə, Filippinin 4410 nömrəli qayığı Çinin dəfələrlə etdiyi ciddi xəbərdarlıqlara məhəl qoymayıb və Çinin 21551 nömrəli təhlükəsizlik gəmisini “qeyri-peşəkar və təhlükəli şəkildə” bilərəkdən vurub.

Toqquşma iki Filippin gəmisinin yerləşdiyi Sianbin (Sabina) rifində baş verib. Qan Yu hadisəyə görə bütün məsuliyyəti Filippin tərəfinə verib. O, Çin sahil mühafizəsinin artıq lazımi “nəzarət tədbirləri” gördüyünü vurğulayıb.

//Gülnarə Abasova, Editor.az