Cənubi Koreyanın ən böyük müxalifətçi Demokratik Partiyası “Toburo” ölkə prezidenti Yoon Seok-Yeol və müdafiə naziri Kim Yong-hyun-u hərbi vəziyyət haqqında qərar qəbul etməkdə və bununla bağlı tədbirləri dəstəkləməkdə vətənə xəyanətdə ittiham etmək niyyətindədir.

Bundan əvvəl partiya impiçment proseduruna başlayacağı ilə hədələyərək, Yoon Seok Yeolun istefasını tələb etmişdi. Cənubi Koreya Həmkarlar İttifaqları Federasiyası da müddətsiz tətilə başladığını elan edərək prezidentin istefasını tələb edir.

Editor.az bildirir ki, b barədə “Yonhap” xəbər agentliyi yazıb. Nəşrə görə, Toburonun xüsusi bəyanatında qeyd olunub ki, dövlət başçısının hərəkətləri konstitusiyanı pozur və cənab Yun hərbi vəziyyətin elan edilməsi üçün zəruri olan tələblərin heç birini yerinə yetirməyib.

“Bu, ciddi bir fitnə aktıdır və impiçment üçün əla səbəbdir”, – partiyanın bəyanatında deyilir.
Qeyd edək ki, böhran bir gün əvvəl, dekabrın 3-də Yoon Seok Yeol tərəfindən hərbi vəziyyətin tətbiqi ilə bağlı elan edilmiş qərarın nəticəsi idi. Parlamentin və siyasi partiyaların fəaliyyəti qadağan edilib.

Dövlət başçısı bunu ölkə daxilində “konstitusiya quruluşunun qorunması və Şimali Koreya tərəfdarlarının kökünün kəsilməsi” zərurəti ilə əsaslandırıb. Parlamentin qarşısına toplaşan və hakimiyyətin hərəkətlərindən narazı olan nümayişçilər arasında hərbi polislə toqquşmaların olduğu bildirilir.

//Samir Qurbanov, Editor.az