Cənubi Koreya və Hindistan Avstraliyada böyük çoxmillətli manevrlər çərçivəsində birgə hava təlimləri keçirib.

Editor.az Yonhap-a istinadla xəbər verir ki, bu barədə Cənubi Koreya Hərbi Hava Qüvvələri məlumat yayıb.

Cənubi Koreyanın F-15K döyüş təyyarələri və Hindistanın Su-30MKI döyüş təyyarələrinin iştirak etdiyi təlim iki il davam edən Pitch Black təlimi çərçivəsində Avstraliyanın şimalındakı Darvin aviabazasında keçirilib. Hərbi Hava Qüvvələrinin məlumatına görə, bu təlimlər pilotların müxtəlif ölkələrin döyüş təyyarələrinin xüsusiyyətlərini və taktikasını daha yaxşı mənimsəməsi üçün təşkil edilib.

Cənubi Koreya Rusiyanın Su-30-un variantı olan Su-30MKI-dən istifadə etməsə də Hindistanın arsenalında ABŞ istehsalı olan F-15 qırıcı təyyarəsi yoxdur. 20 ölkə və 140-dan çox təyyarənin iştirak etdiyi Pitch Black təlimi iyulun 12-də başlayıb və avqustun sonuna qədər davam edəcək. Cənubi Koreya təlimə 6 F-15K döyüş təyyarəsi və təxminən 100 əsgər göndərib.

//Gülnarə Abasova, Editor.az