Seul Mərkəzi Rayon Məhkəməsi Cənubi Koreyanın keçmiş prezidenti Yun Sok-yolu beş il müddətinə azadlıqdan məhrum edib.

O, ötən ilin yanvar ayında həbsinə mane olmaq üçün təhlükəsizlik xidmətinə əmr verməkdə, təklif olunan hərbi vəziyyət planını nəzərdən keçirmək üçün iclasa dəvət olunmayan doqquz kabinet üzvünün hüquqlarını pozmaqda və hərbi vəziyyət fərmanı ləğv edildikdən sonra yenidən işlənmiş bəyannaməni hazırlamaqda və sonradan məhv etməkdə günahkar bilinib.

Dinləmə canlı yayımlanıb. Məhkəmə Yun Sok-yolun “cinayətlərin xarakteri çox ağır olmasına” baxmayaraq, peşmançılıq göstərmədiyini müəyyən edib.
Yonhap-ın verdiyi məlumata görə, bu qərar keçmiş dövlət başçısının dövlət çevrilişi təşkil etmək ittihamı ilə bağlı 19 fevralda çıxarılacaq hökmə təsir edəcək.

Lakin prokurorlar bu cinayətə görə ölüm cəzası istəyirlər. Nəşrin məlumatına görə, keçmiş prezident hərbi vəziyyət tətbiq etmək cəhdi, həyat yoldaşının korrupsiya iddiası və 2023-cü ildə dəniz piyadasının ölümü ilə bağlı cəmi səkkiz məhkəmə prosesi ilə üzləşib.

//Samir Qurbanov, Editor.az